Кемдәр “ун өсөнсө” пенсия ала

2025 йылдың декабрендә рәсәй пенсионерҙарының бер өлөшө Яңы йыл байрамдарына бәйле ваҡытынан алда «ун өсөнсө» пенсия аласаҡ. Был хаҡта Рәсәй хөкүмәте ҡарамағындағы финанс университеты доценты Игорь Балынин Һөйләне.

Ғинуар өсөн түләүҙәр ғәҙәттәгенән алда күсереләсәк, сөнки 2025 йылдың 31 декабренән 2026 йылдың 11 ғинуарына тиклемге осор ял һәм байрам көндәрен үҙ эсенә ала. Ғинуар түләүенең суммаһы декабрҙәге сумманан артығыраҡ буласаҡ, сөнки уға инфляцияны иҫәпкә алып иҫәпләнгән индексацияланған өлөш инәсәк.

Балынин, ваҡытынан алда күсереү банктар аша түләүҙәр алған пенсионерҙарға ҡағыласаҡ, тип һыҙыҡ өҫтөнә алды. «Рәсәй почтаһы» аша пенсия алғандар уны ғәҙәти көндәрҙә аласаҡ, әммә ял көнөнә тура килһә, түләүҙе бүлексәнең һуңғы эш көнөндә алырға мөмкин.