Сентябрь өсөн түләмдәр ҡасан түләнеүе билдәле булды

2, 5 һәм 8 октябрь — сентябрь өсөн түләүҙәр һәм пособиелар ҡабул итеү көндәре, тип асыҡлыҡ индерҙеләр Социаль фондтың төбәк буйынса бүлексәһендә.

2 октябрҙә банк иҫәбенә:

– берҙәм пособие;

– эшләмәгәндәр өсөн 1,5 йәшкә тиклемге баланы ҡарау буйынса түләү;

– хәрби хеҙмәткә саҡырылған хәрби хеҙмәткәрҙең балаһына айлыҡ пособие күсерелергә тейеш.

"Ғәҙәттә был түләүҙәр айҙың 3-өндә килә, әммә 2026 йылдың октябрендә дата ял көнөнә тура килә, шуға күрә иртәрәк күсереләсәк», — тип асыҡлыҡ индерҙеләр Рәсәй социаль фондының Башҡортостан буйынса бүлексәһендә.

5 октябрҙә республика халҡы – әсәлек капиталы средстволарынан түләү, 8 октябрҙә эшләгәндәр өсөн 1,5 йәшкәсә баланы ҡарау буйынса пособие аласаҡ.