Башҡортостандан гуманитар ылау дрон һөжүменә эләккән

 Был хәл Донецк янында булған. Һөҙөмтәлә автомобилдең кабинаһы емерелгән. Гуманитар ылауҙы Дәүләт Йыйылышы-Ҡоролтай депутаты Фәрит Ғүмәров оҙатып барған булған.

«Бергәләшеп фураны сығып алырбыҙ, тип уйлайым. Берәү ҙә зыян күрмәне, имен-һаубыҙ. Машинаға бер аҙ ремонт эшләргә кәрәк буласаҡ. Уның менән Өфөгә ҡайтып етербеҙ тип ышанам», — тип хәбәр итә депутат.

Гуманитар ылауға ярҙамға Рәсәй хәрбиҙәре, шул иҫәптән Дәүләт Йыйылышы — Ҡоролтай депутаты Алексей Локотченко барған. Ул ғинуарҙа махсус хәрби операцияға юлланғайны. Депутаттың әйтеүенсә, гуманитар ярҙам хәрбиҙәргә икенсе транспортта алып барып еткереләсәк.