«Башҡортостан Республикаһы» нәшриәт йорто хеҙмәткәре штурм взводы командирына дронға ҡаршы "глушилка" тапшырҙы

«Башҡортостан Республикаһы» нәшриәт йорто дәүләт унитар предприятиеһының ваҡытлы матбуғатты таратыу бүлеге начальнигы Айнар Байбулатов «Башҡортостан» полкының «Монгол» позывнойлы штурмлау взводы командирына дронға ҡаршы "глушилка" тапшырҙы. Яугир дауаланыу өсөн алғы һыҙыҡтан ҡайтҡан.

Аҡсаның бер өлөшөн республика халҡы йыйған, күпселек өлөшөн ул үҙе индергән. Әйткәндәй, Айнар Рәзән улы сығышы менән Ейәнсура районынан.

- Өйҙә беҙҙе яҡлағандары, беҙгә ышанғандары, ярҙам иткәндәре өсөн шатмын. Был беҙҙең өсөн бик мөһим. Ул беҙгә алғы һыҙыҡта ярҙам итә, көс һәм ышаныс бирә. Журналистарға ҙур рәхмәт! - тине штурмовик.

Башҡортостан журналистары һүҙе менән генә түгел, эше менән дә ярҙам итә. Хәрби округтар зонаһына даими сығалар, материалдар яҙалар, яугирҙарҙы илһамландыралар. Фронт өсөн махсус ҡорамалдар, экипировка һатып алыуға аҡса йыялар, маскировка селтәрҙәре һәм окоп шәмдәре эшләйҙәр.