Беҙҙекеләр һынатманы

Ғаилә йылы сиктәрендә Башҡортостан Республикаһының Ветеринария буйынса дәүләт комитетының Урал аръяғы зонаһына ҡараған ветеринар станциялары хеҙмәткәрҙәре араһында «Атай, әсәй һәм мин – спорт һөйөүсе ғаилә» ярышы үтте.

Ғаилә ҡиммәттәрен нығытыу һәм сәләмәт тормошто пропагандалау маҡсатында үткәрелгән был сарала Ейәнсура ветеринар станцияһы етәксеһе Азамат Ишеғолов ғаиләһе менән ҡатнашты. Улар Әбйәлил, Учалы, Хәйбулла, Йылайыр, Баймаҡ райондары һәм Учалы, Сибай ҡалалары командалары менән көс һынашып, өсөнсө урынға лайыҡ булды.