Яңы йүнәлештәр асыу өсөн шәп мөмкинлек

Туризм буйынса федераль агентлыҡ илдең барлыҡ федераль округтарына туристик чартерҙарҙың асылыуы тураһында иғлан итте, тип яҙа “Башинформ”. Улар яҙғы-йәйге осорҙа башлана. Ведомство етәксеһе Зарина Догузова һүҙҙәренсә, самолеттар Кавказға (Чечня, Дағстан), Калининград өлкәһенә, Татарстанға, Төмән өлкәһенә, Алтайға, Карелияға, Байкалға, Камчаткаға һәм Сахалинға юллана.

«Был халыҡҡа илебеҙҙә ял итеүҙә яңы йүнәлештәр асыу өсөн шәп мөмкинлек», – тип билдәләне Ростуризм етәксеһе.

Бынан алда Рәсәйҙә «Беҙ бергә. Туризм» программаһы башланды, уға 200 компания ҡушылды. Улар туристарға махсус тәҡдимдәр һәм ташламалар әҙерләй. Туристик кешбэк программаһы ла ғәмәлдә.

Фото:Олег Яровиков