Хәле бик ауыр

“Башинформ” агентлығына Һаулыҡ һаҡлау министрлығының матбуғат хеҙмәтенән хәбәр итеүҙәренсә, 34 йәшлек пациентканың хәле – бик ауыр, алты йәшлек малайҙыҡы ауыр, 14 йәшлек малайҙыҡы еңелсә ауырлыҡ дәрәжәһендә, тип баһалана.

“Ҡалған өс кеше амбулатор хеҙмәтләндерелде. Ашығыс ярҙам машинаһында булған водитель һәм табип зыян күрмәгәндәр”, – тип хәбәр иткән матбуғат хеҙмәте.

Авария бөгөн, 2 февралдә, сәғәт 11.00 тирәһендә булған. Бәләбәй – Николаевка – Туймазы – Баҡалы юлында 127-се саҡрымда Баҡалы үҙәк район дауаханаһының медицина хеҙмәтенең «Лада Ларгус» автомобиле менән «ВАЗ-21140» бәрелешкән. ДТП-ла өс бала һәм өс өлкән кеше зыян күргән.