Йәйәүлене тапаған водителде тотҡандар

Тәртип һаҡсылары Баймаҡ районында йәйәүлене бәргән водителде тотҡан, тип хәбәр итә “Башинформ”. БР буйынса ЮХХДИ-ның мәтбуғат хеҙмәте мәғлүмәттәре буйынса, оператив-эҙләү саралары барышында Дәүләт автонспекцияһы хеҙмәткәрҙәре “ВАЗ-2101” автомобилен тапҡан. Автомобиль хужаһын янында йәйәүлене бәреп китеүҙә шик аҫтына алыныусы ла тотолған. Ул Баймаҡ районынан 32 йәшлек ир кеше.

“Ул кеше йүгереп килеп сыҡты. Унда йәйәүлеләр өсөн юл аша сығыу урыны юҡ ине. Ул юл аша йүгерҙе. Мин уны бәрҙем. Уйында нимә булғандыр, белмәйем, бәлки, маневр яһарға теләгәндер. Баймаҡ ҡалаһы эске эштәр бүлегенән ҡурҡып, мин ваҡиға урынынан киттем. Үҙ ғәйебемде тулыһынса таныйым”, – тигән водитель

Дәлилләү уның иҫерек булыуын күрһәткән. Хәҙер факт буйынса тикшереү үткәрелә.

Хәтерегеҙгә төшөрәбеҙ, быға тиклем Баймаҡта кисә кис билдәһеҙ водитель 61 йәшлек кешене тапатыуы, йәйәүле ашығыс ярҙам килеп еткәнсе вафат булыуы тураһында хәбәр иткәйнек.