Юл фажиғәһендә "КамАЗ" водителе һәләк булған

Бөгөн Благовещен районында, Өфө-Яңауыл автомобиль юлының 71-се саҡрымында, үлемесле авария теркәлгән.

Бер юлы өс автомобиль: УАЗ "Патриот" автомобиле, "КамАЗ" бензовозы һәм "Skania" йөк машинаһы бәрелешкән. Авария һөҙөмтәһендә "КамАЗ" водителе ашығыс ярҙам килеп еткәнсе йән биргән. Ваҡиға урынында тәфтиш-оператив төркөм эшләй.

Фото: БР ЮХХДИ.