-2 °С
Болотло
Ҡырмыҫҡалы районында һыуҙа үлемесле фажиғә булған. БР буйынса Ғәҙәттән тыш хәлдәр министрлығы мәғлүмәттәренән күренеүенсә, Система-112-гә Эҫем ауылында егет менән ҡыҙ Эҫем йылғаһы Ағиҙелгә ҡушылған урында һыу ингәндә ағып китеүҙәре тураһында хәбәр иткәндәр, тип яҙа “Башинформ”.
Егет үҙаллы ярға йөҙөп сыға алған, ә 31 йәшлек ҡыҙ, ҡыҙғанысҡа ҡаршы, батҡан. Уның кәүҙәһен икенсе ярҙа тапҡандар.
Әйтергә кәрәк, егет менән ҡыҙ һыу инеү өсөн йыһазландырылмаған һәм “Һыу ине тыйыла” тигән аншлаг ҡуйылған урында һыу ингәндәр.