Юл фажиғәһендә мотоциклист һәләк булған

Благовар районында юл-транспорт ваҡиғаһында мотоциклист һәләк булған. Был хаҡта БР буйынса ЮХХДИ-ла хәбәр иттеләр.

Ведомство белдереүенсә, М-5 «Урал» федераль трассаһында 25 йәшлек ҡыҙ идара иткән Lada XRAY автомобиле менән 29 йәшлек ир кеше йөрөткән мотоцикл бәрелешкән. Авария һөҙөмтәһендә мотоцикл водителе ашығыс ярҙам килеп еткәнсе вафат булған. Хәҙер был ваҡиға буйынса тикшереү үткәрелә.