Хәбәрһеҙ юғалған ҡатын менән ҡыҙын үле килеш тапҡандар

Пермь крайында бер аҙнаға яҡын эҙләгән Башҡортостандә йәшәүсе ҡатын менән ҡыҙын үле килеш тапҡандар. Был хаҡта Ирина Буханова исемендәге эҙәрмәндәр отряды социаль селтәрҙә хәбәр итте, тип яҙа “Башинформ”.

«КП-Пермь» һәләк булыусыларҙың туғандарына һылтанма менән хәбәр итеүенсә, уларҙы үлтергәндәр, кәүҙәләрен ниндәйҙер ҡасабала тапҡандар.

Быға тиклем “Башинформ” Ишембайҙан 45 йәшлек ҡатын 5 йәшлек ҡыҙы менән Пермдә ҡунаҡта булыуы, 17 августан 18-енә ҡарай төндә улар Ветлужский урамында ҡунаҡтан сығып китеүҙәре һәм юғалыуҙары тураһында хәбәр иткәйне.

Хәҙер ҡатындың һәм баланың һәләк булыу сәбәптәрен һәм шарттарын асыҡлау менән тәртип һаҡлау органдары шөғөлләнә.