Баҡсалағы аласыҡта янып һәләк булған

Башҡортостан буйынса Ғәҙәттән тыш хәлдәр министрлығына 14 сентябрҙә көндөҙ Туймазыла  таҡтанан эшләнгән баҡса өйөндә янғын сығыуы тураһында хәбәр иткәндәр.

Ведомствоның матбуғат хеҙмәте хәбәр итеүенсә, ваҡиға урынына Рәсәй МЧС-ы дознавателе барған һәм 3х4 м ҙурлыҡтағы аласыҡ яныуын билдәләгән, шулай уҡ 36 йәшлек ир кешенең кәүҙәһен тапҡан.

Был янғынға ут һүндереүселәр саҡыртылмаған, хәбәр итеүселәр булмаған. Хәҙер янғын сәбәбе асыҡлана.