Өй, ике иномарка һәм дүрт һарай янған

Бөгөн иртә менән Ауырғазы районының Мостафа ауылында янғын сыҡҡан. Был хаҡта МЧС-тың Башҡортостан буйынса баш идаралығында хәбәр иттеләр, тип яҙа “Башинформ”.

Янғын һүндереүселәр ваҡиға урынында 6х6 м ҙурлыҡтағы ағас йорт, ике автомобиль (Toyota RAV-4, Toyota Camry), шулай уҡ дүрт һарай яныуын асыҡлаған, янғындың дөйөм майҙаны 240 квадрат метр тәшкил иткән. Көслө ел һәм төҙөлмәләрҙең бер-береһенә яҡын урынлашыуы уттың тиҙ таралыуына булышлыҡ иткән.

Сәғәт 06.19-ҙа янғынды локалләштерә алғандар. Уны һүндереүгә 12 кеше һәм ете берәмек техника йәлеп ителгән.