Күрше районда янғында ике кешенең ғүмере өҙөлгән

Күгәрсен районының Мораҡ ауылында янғында 68 йәшлек ир һәм әлегә шәхесе билдәләнмәгән тағы бер кеше һәләк булған. МЧС-тың Башҡортостан буйынса баш идаралығынан хәбәр итеүҙәренсә, фажиғә Коммунистик урамында булған.

Янғын бүрәнәләрҙән һалынған ағас йортта сыҡҡан. Янғын тураһында хәбәр алынғандан алып ул 22 минутта һүндерелгән. Хәҙер ваҡиға урынында тикшереү-оператив төркөм эшләй.