Водитель дә, мышы ла һәләк булғандар

Бөгөн иртәнсәк Дүртөйлө районында ҡыр хайуаны менән бәрелешеү теркәлгән. Авария Дүртөйлө – Нефтекама юлының 16-сы саҡрымында сәғәт 6.30 тирәһендә булған, тип хәбәр итте Башҡортостандың дәүләт автоинспекцияһы телеграм-каналда.

Яҡынса мәғлүмәттәр буйынса, Баҡалы районынан 34 йәшлек ир кеше “Лада-Калина” автомобилендә юлға ҡапыл килеп сыҡҡан мышыға, аҙаҡ, кюветҡа төшөп китеп, ағасҡа бәрелгән.

Юл-транспорт ваҡиғаһында водитель медицина ярҙамы килеп еткәнсе вафат булған. Ҡыр хайуаны һәләк булған.