Үлемесле юл-транспорт ваҡиғаһының сәбәптәре асыҡлана

Полиция хеҙмәткәрҙәре Белорет районындағы водителдең һәләк булыуына килтергән авария сәбәптәрен асыҡлай.

БР буйынса ЮХХДИ-ның матбуғат хеҙмәте хәбәр итеүенсә, бөгөн сәғәт 11 тирәһендә Өфө-Инйәр-Белорет автоюлының 112-се саҡрымында «Лада Гранта» һәм «Рено Меган» автомобилдәре бәрелешкән.

Юл-транспорт ваҡиғаһы һөҙөмтәһендә “Лада” водителе ашығыс ярҙам килеп еткәнсе вафат булған.

Ваҡиға урынында ЮХХДИ хеҙмәткәрҙәре һәм башҡа хеҙмәттәр эшләй.

Фото: пресс-служба ГИБДД по Башкирии