Ҡар аҫтынан иҫен юғалтҡан малайҙы сығарғандар

Өфөлә ҡышҡы уйындар баланың ғүмерен өҙә яҙған. Ғабдулла Амантай урамында ҡар өйөмөндәге соҡорҙан иҫен юйған баланы сығарғандар.

Малай ағаһы менән уйнап йөрөгәндә ҡар тауына менгән һәм аҫҡа төшөп киткән – өйөм эсендә уйнау өсөн тоннелдәр соҡолған булған. Ағаһы ҡустыһының юҡ булыуын шунда уҡ күрмәгән, ә инде табып алғанда ул иҫен юғалтҡан булған. Зыян күреүсене дауаханаға алып киткәндәр.

“Дауалау учреждениеһында тикшергәндән һәм медицина ярҙамы күрһәткәндән һуң бала өйөнә ҡайтарылды. Был участка ҡарҙан таҙартылды”, – тип хәбәр иткәндәр Өфө ҡалаһының граждандарҙы яҡлау идаралығы матбуғат хеҙмәтенән.

Фото: ИА «Башинформ»