+7 °С
Болотло
Өфө ҡалаһының граждандар яҡлау идаралығы ике үҫмер юғалған урында водолаздар эшләүе тураһында хәбәр итте, тип яҙа “Башинформ”.
13 һәм 14 йәшлек ике үҫмер ата-әсәһенә Шафиев урамындағы “Чайка” балалар лагеры янында йөрөп киләбеҙ, тип сығып киткәндәр һәм ҡайтмағандар. Уларҙың ҡайҙа булыуы тураһында 30 марттан алып билдәле түгел. МЧС-тың БР буйынса баш идаралығынан хәбәр итеүҙәренсә, Өфө ҡалаһының 6-сы пристаны янында уларҙың рюкзактары табылған.
Һуңғы мәғлүмәттәр буйынса, водолаздар Ағиҙел йылғаһында 6 мең кв. метрҙан артыҡ майҙанды тикшергән, әммә юғалған үҫмерҙәр табылмаған.