Газ үткәргес янып киткән

Стәрлетамаҡта Рәсәй Ғәҙәттән тыш хәлдәр министрлығының янғын һүндереүселәре газ үткәргестәге янғынды һүндерә.

Рәсәй Ғәҙәттән тыш хәлдәр министрлығынан хәбәр итеүҙәренсә, Өфө тракты урамында газ торбаһының һауа линияһында газ сығып, ут тоҡана. Зыян күреүселәр тураһында мәғлүмәттәр аныҡлана. Урында 20 белгес һәм 6 берәмек техника эшләй. Өс кеше дауаханаға оҙатылған.

Янғынды һүндереү һәм уның таралыуына юл ҡуймау өсөн бөтә кәрәкле саралар күрелә.