Бункер-онтағыс эсендә һәләк булған

Ҡалтасы районында малсы бункер-онтағысҡа эсенән эләгеп, үлемесле йәрәхәттәр алған. Дәүләт хеҙмәт инспекцияһы В. Ф. Зайникаев крәҫтиән-фермер хужалығы хеҙмәткәре һәләк булған бәхетһеҙ осраҡ буйынса тикшереү алып бара.

Ведомство мәғлүмәттәре буйынса, фажиғә 5 февралдә һөтсөлөк фермаһы биләмәһендә теркәлгән. Мал аҙығы таратҡанда 40 йәшлек эшсе ваҡлаусы бункерға эләгә һәм һәләк була.

Тикшереү барышында ваҡиғаның сәбәптәре асыҡланасаҡ, тип билдәләнеләр төбәк ведомствоһында.