Ике кеше батҡан

Туймазы районының Роман ауылы янында ҡотҡарыусылар Өҫән йылғаһынан һәләк булған ҡатындың кәүҙәһен сығарған. Благовещен районында Ағиҙел йылғаһынан 58 йәшлек ир кеше сығарылған, тип хәбәр итә Башҡортостандың Ғәҙәттән тыш хәлдәр министрлығы. Фажиғәләрҙең шарттары асыҡлана, тәфтиш-оператив саралар үткәрелә.

Рәсәй Ғәҙәттән тыш хәлдәр министрлығы халыҡты 1 июндә һыу инеү миҙгеле асылыуын көтөргә, йыһазландырылған урындарҙа ғына һыу инергә, иҫерек килеш һыуға инмәҫкә, таныш булмаған урындарҙа һыуға суммаҫҡа өндәй.