Ҡурҡыныс янғында бер ҡатын һәләк булған, ике кеше дауаханала

Өфөлә төнгө янғында бер ҡатын һәләк булған, тағы ике кеше дауаханаға оҙатылған. Башҡортостандың Ғәҙәттән тыш хәлдәр министрлығы мәғлүмәттәре буйынса, Маяковский урамындағы йортта фатир янып киткән. Һүндереүгә 25 кеше һәм 7 берәмек техника йәлеп ителә.

Ҡотҡарыусылар халыҡты хәүефһеҙ эвакуациялау өсөн тактик вентиляция ҡуллана. Баҫҡыстар буйлап урамға 10 кеше, шул иҫәптән ике бала сығарыла. Янғын һүндереүселәр килгәнгә тиклем 9 кеше үҙаллы эвакуациялана.

Урынға килгән ашығыс ярҙам медиктары 47 йәшлек ҡатындың үлемен раҫлай. Яныу продукттары менән ағыуланған 69 йәшлек ир һәм 57 йәшлек ҡатын дауаханаға оҙатылған.