Автомобилдән 19 йәшлек ҡыҙҙың кәүҙәһен сығарғандар

Бөрйән районы дәүләт автоинспекцияһы хеҙмәткәрҙәре кеше һәләк булған юл-транспорт ваҡиғаһы сәбәптәрен асыҡлай.

БР Дәүләт автоинспекцияһының матбуғат хеҙмәте мәғлүмәттәре буйынса, бөгөн иртән Ҡағы – Иҫке Собханғол автомобиль юлының 24-се километрында авария булған. Яҡынса мәғлүмәттәр буйынса, «Рено Сандеро» руле артында 24 йәшлек урындағы ир кеше идара итеүҙе юғалтып кюветҡа төшөп киткән, автомобиль түңкәрелгән. Юл-транспорт ваҡиғаһында 19 йәшлек пассажирка алған йәрәхәттәренән вафат булған. Водитель үҙе һәм уның тағы бер пассажиры дауаханаға оҙатылған. Йәш кеше быға тиклем водитель таныҡлығынан мәхрүм ителгән булыуы билдәле.