Ейәнсурала мопедистар ҡатнашлығында үлемесле авария теркәлде

Райондың юл хәрәкәте хәүефһеҙле дәүләт инспекцияһынан хәбәр итеүҙәренсә, 4 июлдә 20.55 сәғәттә Һаҡмар совхозының 3-сө фермаһы ауылынан Тирәкле ауылына табан юлда 1981 йылғы ир кеше 1978 йылғы ҡатын идара иткән шул уҡ йүнәлештә барған мопедты уҙырға маташҡанда уға төкөгән. Бәрелешеү һөҙөмтәһендә ҡатын – юлда, ә ир кеше уң яҡ юл ситендә ҡолағандар.

Юл-транспорт ваҡиғаһы һөҙөмтәһендә ир кеше ашығыс ярҙам килеп еткәнсе ваҡиға урынында йән биргән. Ҡатын йәрәхәттәр алған һәм тәүге медицина ярҙамы күрһәтелгәндән һуң өйөнә ҡайтарылған.