Улар быға лайыҡ!

Хәйбулла районы хакимиәтендә Республика Башлығы Радий Хәбиров урман янғындарын һүндереүселәр менән осрашты.Башҡортостандың Ғәҙәттән тыш хәлдәр буйынса дәүләт комитеты рәйесе Фәрит Ғүмәров алып барған сарала шулай уҡ Рәсәй Ғәҙәттән тыш хәлдәр министрлығының Башҡортостан буйынса баш идаралығы начальнигы Марат Латыпов һәм Башҡортостандың Урман хужалығы министры Марат Шәрәфетдинов, Хайбулла, Йылайыр, Баймаҡ, Ейәнсура райондары башлыҡтары, республиканың төрлө төбәктәренән янғын һүндереүҙә ҡатнашыусылар булды. Радий Фәрит улы янғындарга анализ яһап, улар менән көрәшеүҙә ҡатнашҡандар иғтибарһыҙ ҡалмаҫҡа тейеш, тине. Үҙе янғын һүндереүҙә ҡатнашҡандарҙың бер төркөмөнә Республика Башлығының Рәхмәт хаттарын тапшырҙы. Был наградаға беҙҙең райондан 15 кеше лайыҡ булды. Улар - төрлө йәштә һәм төрлө һөнәр эйәләре.