Башҡортостанда коронавирус ике күрһәткес буйынса яңы антирекордтар ҡуйҙы

Республика оператив штабы мәғлүмәттәре буйынса, һуңғы тәүлектә 497 кешелә COVID-19 асыҡланған. Тағы бер күңелһеҙ һан – 27 кеше вафат булған.

Пандемия башланғандан алып коронавирус диагнозы ҡуйылған кешеләр һаны 69 294-кә етте. 60 164 кеше һауыҡҡан, шуларҙың 557-һе һуңғы тәүлектә.

Республикала вакцинация дауам итә. Беренсе компонентты – 1 301 720, ике компонентты ла 1 193 984 кеше яһатҡан.