Шәмбелә вакциналаныусылар һаны буйынса рекорд ҡуйылды

“Башинформ” хәбәр итеүенсә, 16 сентябрҙә COVID-19-ҙан привикаланыусылар һаны буйынса республикала рекорд ҡуйылған – 40 321 кеше, шуларҙың 27 045-е беренсе компоненты яһатҡан. Был хаҡта социаль селтәрҙә республика һаулыҡ һаҡлау министры Максим Забелин хәбәр итте.

Шәмбе йомғаҡтары буйынса респубикала бөтәһе 1 422 447 кеше – беренсе компонент менән, 1 259 376 кеше тулыһынса вакциналанған.

Пандемияның сираттағы тулҡынына бәйле төбәктә вирусҡа ҡаршы көрәш саралары көсәйтелде: күп кенә учреждениеларға һәм ойошмаларға инеү өсөн вакциналаныу тураһында справка кәрәк, 65 йәштән өлкән прививкаланмаған кешеләргә үҙҡурсалау режимы индерелде. 18 октябрҙән киләһе этап башлана – тәрбиәләү буйынса, сәләмәтләндереү, спорт һәм башҡа хеҙмәттәр алыу өсөн справка талап ителәсәк.