Бөгөн Башҡортостанда коронавирусҡа бәйле сикләүҙәрҙең сираттағы этабы башланды

25 октябрҙән 18 йәштән оло граждандар ваҡлап һатыу баҙарҙарына (ауыл хужалығы һәм махсуслашҡан аҙыҡ-түлек баҙарҙарынан тыш) COVID-2019-ға ҡаршы вакциналау тураһында сертификат йәки һуңғы алты айҙа коронавирус менән ауырығанды раҫлаған белешмә күрһәтеп кенә инә аласаҡ.

2021 йылдың 1 декабренән ошо уҡ документтарҙы санатор-курорт ойошмаларына, профилакторийҙарына, пансионаттарына һәм ял йорттарына барғанда күрһәтеү мотлаҡ буласаҡ.Быға тиклем индерелгән сикләүҙәр ҙә ғәмәлдә ҡала бирә. Әйтелгән сертификат-белешмәләргә ҡушып республикала йәшәүселәр вәкәләтле вазифалы шәхестәр талабы буйынса паспорт йәки шәхесте раҫлаусы башҡа документ күрһәтергә тейеш.

Фото:Валерий Шахов / “Башинформ”.