"Йорт хайуандарына коронавирустан прививка эшләйһегеҙме?" - күп хужаларҙың үтенесенән һуң Өфөнөң бер ветеринар клиникаһында ошондай хеҙмәт күрһәтә башлаған.
Яҙ махсус вакциналар - хайуандарға тәғәйенләнгән "Карнивак-ков" вакциналары һатып алғандар. Ул Мәскәү һәм Санкт-Петербург ҡалаларында киң ҡулланыла икән. Өфөлә иһә әлегә 26 вакцина эшләнгән. Башлыса бесәйҙәргә. Вакцина ике компонентлы, 3 аҙна аралығында эшләнә икән.
Вакцина эшләтеү түләүле, 700 һум. Әммә, белгестәр иҫәпләүенсә хаҡы 100-әр мең һумлыҡ тоҡомло эт-бесәй хужалары өсөн - был "диңгеҙҙәге тамсы" ғына. Уларҙың бит йорт хайуандары - ғаилә ағзаһы, ял итергә лә, сит илдәргә лә бергә йөрөтәләр.
Нимә был? Йорт хайуандарын вакциналау ысынлап та бик кәрәкле сарамы? Әллә байҙарҙың шашып китеүеме? Ә бәлки ветеринар клиникаларҙың аҡса эшләп ҡалыу мөмкинлегер? Нисек уйлайһығыҙ?
Әйткәндәй Цинциннати зоопаркында 80 йәнлеккә Совкид-19-ҙан вакцина эшләнгән.
Фото: РГ.ру сайтынан.