Күршеләрҙә тал "көсөкләгән"

"Кумертауское время" гәзите төркөмөндә хәбәр итеүҙәренсә, был ҡупшы талды кисә Көйөргәҙе районының бер ауылы янында төшөрөп алғандар. "Көсөкләү" сәбәбе аномаль йылылыҡҡа бәйле, тиҙәр хеҙмәттәштәребеҙ.

Был ҡоролоҡ ғәләмәте тәбиғәтте аптырата инде. Йәй эҫе килеп, дым етмәүҙән үҫә алмаған күп үлән-сәскәләр ҙә көҙгө ямғырҙарҙан һуң шытып сыҡты. Орлоҡ та бирә алмай туңып ҡалғас, киләһе яҙ улар нишләр?