Ҡаҙаныштар һәм үҫеш нигеҙе

Хөрмәтле ейәнсуралар! 24 декабрҙә республикабыҙ үҙенең дәүләт байрамын – Башҡортостан Республикаһы Конституцияһы көнөн билдәләй.

Был беҙҙең тарихыбыҙҙа иң әһәмиәтле даталарҙың береһе. Нәҡ ошо көндә Башҡортостан Республикаһының Төп законы ҡабул ителде, ул хоҡуҡуи демократик дәүләт төҙөү һәм республиканың социаль-иҡтисади үҫеше нигеҙҙәрен билдәләне. Оҙаҡ йылдар буйына Конституция граждандарҙың хоҡуҡтарын яҡлай, социаль-иҡтисади ҡаҙаныштарҙың ныҡлы нигеҙе булып тора, дәүләт власы һәм урындағы үҙидара органдарының барлыҡ системаһының берҙәм эшен тәьмин итә.

Бөгөн Башҡортостан – һәр яҡлап үҫешкән заманса республика, ул милли байлыҡты арттырыуға ҙур өлөш индерә, ышаныслы үҫешә һәм камиллаша. Конституцион ҡиммәттәрҙе һәм нормаларҙы артабан нығытыу – беҙҙең уңыштарҙың һәм ҡаҙаныштарҙың ышаныслы нигеҙе.

Был байрам көнөндә барығыҙға ла ныҡлы һаулыҡ, бөтә башланғыстарығыҙҙа уңыштар, именлек, тыныслыҡ, бәхет һәм изгелек теләйем!