ШТРАФТАР АРТА

Быйылдан ҡануниәткә тағы ла яңылары индерелә. Ошоға ҡәҙәр эскән килеш машинала балаларҙы алып йөрөгән өсөн 30 мең һум штраф түләтһәләр, быйылдан иһә - 50 мең һум. Водитель таныҡлығын да өс йылға тартып аласаҡтар. Шулай уҡ машинанан ҡый ташлаған, автомобилде газонда йыуған өсөн дә яңы яза ҡаралған - 1000-3000 һум штраф.

Әйткәндәй, автомобилдәргә быйыл да хаҡ артыуын дауам итәсәк. Был инфляцияға, металдарҙың ҡиммәтләнеүенә, ярымүткәргестәрҙең етешмәүенә бәйле, тип билдәләй эксперттар.