Буран, юлдарҙа ҡар һырынтылары

Ҡайһы бер райондарҙа буран сығыуы, көндөҙ урыны менән елдең тиҙлеге секундына 18 метрға етеүе ихтимал.

Башҡортостан буйынса Ғәҙәттән тыш хәлдәр министрлығы хәбәр итеүенсә, 10 һәм 11 февралдә көндөң аяҙлы-болотло булыуы көтөлә. Төндә урыны менән бер аҙ ҡар. Көндөҙ бер аҙ ҡар, айырым райондарҙа буран, юлдарҙа боҙлауыҡ, урыны менән ҡар һырынтылары. Ел көньяҡтан, көньяҡ-көнсығыштан секундына 9-14 метр, көндөҙ урыны менән 18 метрға тиклем.

Һауа температураһы төндә -10,-15, аяҙытҡанда -18,-23, көндөҙ -5,-10 градус була.

Автомобиль юлдарында күреү мөмкинлеге көндөҙ 500-1000 метр.