Балансыңда бер тин дә булмаһа ла Рәсәй интернет-сервистарына инә алаһың

МТС 2022 йылдың 1 февраленән абоненттарына “Дәүләт хеҙмәттәре” һәм kremlin.ru ресурсына бушлай инеү мөмкинлеге бирҙе. 23 февралдән шулай уҡ “Бәйләнештә” социаль селтәренә лә бушлай инеп буласаҡ.
Беләһегеҙҙер: “Дәүләт хеҙмәттәре” һәм “Бәйләнештә” социаль селтәре 2022 йылдың ғинуар аҙағында Хөкүмәт раҫлаған социаль әһәмиәтле сайттар исемлегенә индерелде.
Сайттарҙы компьютер йәки смартфон браузерында, шулай уҡ рәсми ҡушымтала асырға мөмкин буласаҡ.
Бушлай Интернетҡа тоташыу схемаһы – карточкала.