Радий Хәбиров Мәләүездә нимә эшләргә хыялланыуы хаҡында һөйләне

Башҡортостан Республикаһы Хөкүмәтенең оператив кәңәшмәһендә Радий Хәбиров Мәләүездә Рус география йәмғиәтенең республика бүлексәһе ултырышын ойоштороу пландары менән уртаҡлашты, тип яҙа “Башинформ”.

«Шулай ҙа мин Мәләүезгә килеп, Воскресенское ауылындағы «Торатау» визит-үҙәгендә Рус география йәмғиәтенең Башҡортостан бүлексәһе ултырышын үткәрергә өмөтөмдө өҙмәйем», — тип белдерҙе Радий Хәбиров.

Республика етәксеһе һүҙҙәренсә, 2021 йыл йомғаҡтары буйынса Башҡортостандың Рус география йәмғиәте илдә иң яҡшы бүлексәләр рейтингында 10-сы баҫҡыстан 2-сегә күтәрелде.

«Коллегаларыбыҙ бик тырышып эшләй, Башҡортостандың ысын тәбиғәт, тарих һәм мәҙәниәт патриоттары, шуның өсөн өсөн ҙур рәхмәт», — тине Радий Хәбиров.