Мәкерле сир сигенергә уйламай

Аҙаҡҡы мәғлүмәттәргә ҡарағанда тағы ла 554 кешенең ковид менән сирләүе  асыҡланған.  Әлеге ваҡытта 228 пациент дауаханала медицина ярҙамы ала. Һигеҙ пациенттың хәле ауыр, берәүһе үпкәне яһалма тын алдырыу аппаратына тоташтырылған.

2814 кеше амбулатор рәүештә коронавирус менән көрәшә.  697 кеше был сирҙән дауаланып шәбәйгән. Ҡыҙғанысҡа ҡаршы, аҙаҡҡы тәүлек эсендә  коронавирус өс кешенең үлеменә сәбәпсе булған.

   Дауахананан тыш пневмония менән 13 кешенең сирләүе теркәлгән. 11 пациент был ауырыуҙан һауығып, дауахананан сыҡҡан.

 Әлеге көнгә республикаға ковидҡа ҡаршы бөтәһе 3318948 доза вакцина алынған.  3254448 кеше вакцинаның тәүге компонентын эшләткән.  2998767 кеше вакциналауҙың ике этабын да үткән.  Бер тәүлектә генә 13132 кеше коронавирусҡа ҡаршы прививка яһатҡан да инде.

Балалар һәм үҫмерҙәр өсөн 10430 доза "Спутник М" вакцинаһы алынған.  12 йәштән 17 йәшкә тиклемге 9885,2  бала был вакцинаның тәүге компонентын эшләткән, 8460 бала тулыһынса вакциналанған.