Ҡатын-ҡыҙҙар мобилизацияланмы?

Гүзәл заттар мобилизацияланмай, әммә, әгәр хәрби-иҫәп белгеслегенә эйә булһалар, контракт буйынса хеҙмәт итергә бара алалар, тип яҙа “Башинформ”. БСТ телеканалы эфирында республика хәрби комиссары Михаил Блажевич белдереүенсә, контракт буйынса хеҙмәт итеүсе ҡатын-ҡыҙҙарҙың күпселеген медицина хеҙмәткәрҙәре тәшкил итә.

“Улар үҙ бурыстарын үтәй, шул иҫәптән махсус хәрби операция территорияһында. Бик күптәре дәүләт наградаларына тәҡдим ителгән. Әммә мобилизация ҡатын-ҡыҙҙарҙы саҡырыуҙы күҙ уңында тотмай”, – тип аңлатты Башҡортостандың хәрби комиссары.