Салауат Юлаев исемендәге халыҡ батальоны доброволецтарының эш хаҡы күпме булсағы әйтелде

Салауат Юлаев исемендәге халыҡ батальонын ойоштороусы доброволецтарҙың эш хаҡы күпме буласағын әйтте, тип яҙа “Башинформ”. Артур Йомағужин белдереүенсә, яугирҙәр хәрби әҙерлек үткән осорҙа кәмендә 80 мең һум, ә махсус операцияла ҡатнашыу осоронда 200 мең һумдан артыҡ аласаҡ.

“Эш хаҡы Росгвардияның тарификация селтәренән сығып билдәләнә плюс Башҡортостан Республикаһынан өҫтәлмә түләмдәр буласаҡ”, – тип яҙҙы Йомағужин батальондың социаль селтәрҙәге рәсми төркөмөндә.

“Әле батальонды формалаштырыу тамамланыуға яҡынлаша. Уның вәкиллектәре Стәрлетамаҡта, Ишембайҙа, Сибайҙа, Сәрмәндә, Иҫке Собханғолда һәм Малаяҙҙа асылған. Заявка биреүселәр һаны 700-ҙән артыҡ. Радий Хәбиров “Тура бәйләнеш”тә батальонға ярҙам итәсәген һәм ул махсус операция зонаһында Росгвардия ғәскәрҙәре составында эшләйәсәген белдерҙе.

Фото: "Башинформ".