Водителдәрҙән иртәгә юлға сыҡмай тороуҙарын һорайҙар

Башҡортостандың Ғәҙәттән тыш хәлдәр буйынса дәүләт комитеты водителдәрҙе 6 ғинуарҙа имен булмаған һауа торошо тураһында иҫкәртте.

Ведомствола синоптиктар мәғлүмәттәренә һылтанма менән хәбәр итеүҙәренсә, иртәгә республикала урыны менән ел секундына 15-17 метрға тиклем көсәйеп, буран сығыуы көтөлә. Юлдарҙа көрттәр, ҡар һырынтылары, боҙлауыҡ буласаҡ.