Башҡортостанда тиҫтәләгән кешенең үлеменә килтергән 2640 литр эсемлек табылған

Салауатта “Кронштадт” күмәртәләп һатыу складында “Мистер Сидр” эсемлеге менән 30 литрлыҡ 88 һауыт тапҡандар. Был хаҡта республика буйынса Роспотребнадзор хәбәр итте.

«Управлением приостановлена реализация этой продукции объемом 2640 литров. Отобраны пробы напитка для проведения лабораторных испытаний на содержание метилового спирта и солей металлов», – тип белдерҙеләр ведомствола.

Башҡортостан буйынса Роспотребнадзор республика магазиндарында продукцияны эҙләү менән шөғөлләнә. Ведомствола был эсемлекте ҡайҙалыр күрһәләр, хәбәр итеүҙе һоранылар.

Һуңғы мәғлүмәттәр буйынса, “Мистер Сидр” эсемлеге менән ағыуланып Курган, Ульяновск, Һамар, Нижегородка, Пенза өлкәләрендә, Удмуртияла һәм Сыуашстанда 31 кеше вафат булды.