Дәмин Юланов санитар-эпидемиологик хеҙмәт ветерандары менән осрашты

Ейәнсура район хакимиәте башлығы Дәмин Юланов Башҡортостан Республикаһының санитар-эпидемиологик хеҙмәтенә 100 йыллығы уңайынан тармаҡ ветерандары менән осрашты һәм уларға оҙайлы хеҙмәте өсөн рәхмәт белдерҙе.

“Был тармаҡта эш һәр ваҡыт ауыр һәм яуаплы булды һәм булып ҡала. Һаулыҡты, эпидемиологик именлекте һаҡлау  тәү сираттағы һәм дәүләт проблемаһы булып тора. Күп йыллыҡ намыҫлы хеҙмәттәре, райондың санитар-эпидемиологик именлеген тәьмин итеүгә индергән өлөштәре өсөн уларға ҡәнәғәтлек менән Хөрмәт ҡағыҙҙары тапшырҙым”, – тип яҙҙы Дәмин Марат улы социаль селтәрҙә.