Радий Хәбиров Башҡортостан хөкүмәтенең өс ағзаһын вазифаһынан бушатты

Башҡортостан Башлығы Радий Хәбировтың указдары менән республика хөкүмәтенең өс ағзаһы: вице-премьер Илшат Тажетдинов, мәғариф һәм фән министры Айбулат Хажин һәм Ғәҙәттән тыш хәлдәр буйынса дәүләт комитеты рәйесе Фәрит Ғүмәров вазифаларынан бушатылды. Ярашлы документ рәсми хоҡуҡи мәғлүмәт интернет-порталында баҫылды.

Указдарҙа күрһәтелеүенсә, чиновниктар БР Дәүләт Йыйылышы – Ҡоролтай депутаттары итеп һайланыуға бәйле вазифаларынан бушатылған.

Фото: ИА «Башинформ»