Табиптар малайҙың ике ай буйы шешеп йөрөгөн эйәгенән пуля сығарған

Өфөнөң 17-се балалар дауаханаһы хирургтары 12 йәшлек малайҙан тимер пуля сығарған, тип яҙа “Башинформ”.

Башҡортостандың һаулыҡ һаҡлау министры Айрат Рәхмәтуллин үҙенең телеграм-каналында хәбәр итеүенсә, үҫмер ике ай буйына эйәге шешеп йөрөгән. Аҙаҡ ҡына ата-әсәһе табиптарға мөрәжәғәт иткән. Хирургтар баланың эйәгендәге ят есемде операция юлы менән алған.

Хәҙер уҡыусының хәле яҡшы, ул өйөндә. Малайға пуляның нисек эләгеүе тураһында мәғлүмәт юҡ.

Фото: Айрат Рәхмәтуллин, телеграм-канал