Байрамдарҙа һаулыҡ һаҡлау учреждениелары нисек эшләй

Башҡортостан юлдаш телеканалының «Сәләм» тапшырыуында Башҡортостандың һаулыҡ һаҡлау министры Айрат Рәхмәтуллин Республикаға яңы йыл байрамдарында медицина учреждениеларының эш графигы хаҡында һөйләне, тип хәбәр итте “Башинформ”.

Поликлиникалар 30 декабрҙән 8 ғинуарғаса иртәнге сәғәт 8-ҙән киске 5-кә тиклем эшләй. Ҡатын-ҡыҙҙар консультациялары — 1-5 ғинуарҙа һәм 8 ғинуарҙа, ә 1-6 ғинуарҙа һәм 8 ғинуарҙа иртәнге 8-ҙән киске 5-кә тиклем медицина тикшереүе һәм диспансеризация үтергә мөмкин.

Ведомство мәғлүмәттәренә ярашлы, был осорҙа стационарҙар, ҡабул итеү бүлексәләре һәм ашығыс медицина ярҙамы тәүлек әйләнәһенә эшләй.