Өфө-Ырымбур трассаһында хәрәкәт сикләнде

Өфө-Ырымбур автомобил юлында Раевка юл сатынан Көйөргәҙе районының Яңы Мораптал ауылына тиклем сәғәт 15.30-ҙан хәрәкәтте сикләү индерелде. Сәбәбе –  насар һауа шарттары, юлда күпләп ҡар яуа, көслө ел, буран. “Приуралье” юл идаралығы ФКУ-һы мәғлүмәттәре буйынса, йөк машиналары, автобустар, еңел һәм маршрут таксиҙары өсөн юл ябылған. Трассаны асыу тураһында өҫтәлмә хәбәр ителәсәк.

“Приуралье” юл идаралығы водителдәрҙе алыҫ араға сыҡмай трорға, юлда ныҡ иғтибарлы һәм һаҡ булырға саҡыра.

Фото: “Башинформ”.