“Һаранланмағыҙ”: Башҡортостан Башлығы Ейәнсура районындағы ихатаны яңыртырға ҡушты

Республикаға идара итеү үҙәгендә үткән хөкүмәт кәңәшмәһендә Башҡортостан Башлығы Радий Хәбиров Торлаҡ-коммуналь хужалыҡ министрлығына Ейәнсура районы үҙәгендәге ихатаны “Башҡорт ихаталары” программаһына индерергә ҡушты.

“Унда бер ҙур ихатаны эшләргә ҡалған. Һаранланмағыҙ, күпме һорайҙар, шул тиклем бирегеҙ. Был ихатаны 2025 йылға индерегеҙ. Район башлығы быйыл халыҡ мкенән мәсьәләне тикшергән, бөтәһени дә нығытҡан. Яҡшы ихата эшләгеҙ”, – тине төбәк етәксеһе.