ҠӘҘЕР ТӨНӨН НИСЕК ҮТКӘРЕРГӘ?

Аллаһтың рәхимлеге менән Изге айҙың һуңғы өсөнсө өлөшөнә лә индек. Кемдер тәүге ике ун көнлөктә ундай уҡ тырышлыҡ күрһәтмәһә лә, был өлөш тап "ең һыҙғанып", бөтә ихласлыҡ менән тағы ла күберәк ғибәҙәттәр ҡыла торған мәл. Сөнки ошо ун төндөң береһендә мең айҙан да хәйерлерәк Ҡәҙер төнө бар.

Әгәр һеҙгә ун асҡыс күрһәтелеп, шуларҙың береһе генә хазина тулы һандыҡты аса, тиһәләр, ни эшләр инегеҙ? Ошоноһолыр ул, тип тоҫмаллап, асҡыстарҙың береһен генә һайларһығыҙмы? Әллә бөтә ун асҡысты ла алыр инегеҙме? Шуның кеүек, әлбиттә, бар ун төндө лә ғибәҙәттә үткәреүсе мотлаҡ Ҡәҙер төнөн осратасаҡ һәм оло ниғмәткә эйә буласаҡ.

1. Һәр төн ике рәҡәғәтлек намаҙ ҡыл һәм намаҙыңда йөҙ аят уҡы (нәфел намаҙҙа Ҡөрьәнде тотоп уҡыу рөхсәт).
   Әгәр намаҙың Ҡәҙер төнөнә тура килһә, Аллаһ Тәғәләлә 84 йылдың һәр төнөндә намаҙ тороусы диндар итеп яҙылырһың, ин шәә Аллаһ. Сөнки сахих хәҙистә килеүенсә, Пәйғәмбәребеҙ ﷺ: "Кем йөҙ аят менән намаҙ торған, шул тәҡүәле намаҙ тороусыларҙан, тип яҙылыр. Ә кем мең аят уҡып, намаҙ ҡылған, ул иҫәпһеҙ әжер байлығы эйәләренән, тип яҙылыр", — тигән (Әбү Дәүд йыйынтығынан, сахих).
   
   2. Һәр төн өс тапҡыр "Әл-Ихлас" сүрәһен уҡы.
   Әгәр Ҡәҙер төнөнә тура килһәң, 84 йыл буйына көн һайын Ҡөрьәнде тулыһынса уҡып сығыусы кеүек булырһың. Сөнки Пәйғәмбәребеҙ ﷺ: "Ҡуль һүәЛлааһү әхәд" Ҡөрьәндең өстән бер өлөшөнә тигеҙ", — тигән (Мөслим, сахих).
   
   3. "Әл-Бәҡара" сүрәһенең һуңғы ике аятын уҡып, Ҡәҙер төнөнә тура килеүсегә утыҙ мең төндөң ҡыйәме (төнгө намаҙ) яҙылыр.
   "Кем төндә "Әл-Бәҡара" сүрәһенең һуңғы ике аятын уҡыған, шуға шул икәү еткән", — тигән Пәйғәмбәребеҙ ﷺ (Мөслим, сахих).
   "Шуға шул икәү еткән", тигән һүҙҙәр "шул ике аятты уҡыу ҡыйәм тороуҙы алыштыра", тип аңлатҡан ғалимдар.
   
   4. Һәр төн саҙаҡа итеп бер һум ғына бир. Әгәр был ғәмәлең менән Бөйөк төнгә тура килһәң, 84 йыл буйына көн һайын саҙаҡа биреүсе һымаҡ булырһың.
   
   5. Йөҙ тапҡыр "Ләә иләәһә илләЛлааһ, үәхдәһү ләә шәриикә ләһ, ләһүл-мүлкү үә ләһүл-хәмдү, үә һүә (ғ)әләә күлли шәй´ин ҡадиир", тип әйт.
   (Мәғәнәһе: Аллаһтан башҡа илаһ юҡ, Ул берәү, Уның иптәштәре юҡ, хакимлыҡ – Уныҡы, һәм бөтә маҡтауҙар – Уға, Ул һәр нәмәгә ҡөҙрәтле).
   Әгәр ошо олуғ зикер менән Ҡәҙер төнөн осратһаң, өс йөҙ мең ҡолдо иреккә ебәреүсе һымаҡ булырһың. Ә бит бер ҡолдо ғына азат итеү ҙә, Пәйғәмбәребеҙ ﷺ әйткәнсә, кешене Уттан азат итә.
   "Ниндәй генә мосолман мосолман ҡолдо ирекле итмәһен, шул ҡолдоң тәнендәге һәр ағза өсөн Аллаһ азат итеүсенең һәр ағзаһын Уттан ҡотҡарыр", — тигән Аллаһ рәсүле ﷺ (Бохари, Мөслим, сахих хәҙис).
   
   6. "Ләә иләәһә илләЛлааһ, үәхдәһү ләә шәриикә ләһ, Аллааһү әкбәрү кәбииран, үәль-хәмдү лиЛләәһи кәҫииран, сүбхәәнаЛлааһи Раббиль-ғәәләмиин, ләә хәүлә үә ләә ҡүүәтә иллә би-Лләәһиль-ғәзиизиль-хәкиим"*, тип әйт. Һәм шунан һуң: "Аллааһүммә-ғфир лии, үәрхәмнии үәһдинии үәрзүҡнии"**, — тигән.
   (* — Мәғәнәһе: "Аллаһтан башҡа илаһ юҡ, Ул берәү, Уның иптәштәре юҡ. Аллаһ иң бөйөгө, тип Уны иң бөйөк бөйөкләү менән данлайым. Тик Аллаһҡа ғына бик күп маҡтауҙар! Ғәләмдәр Раббыһы Аллаһ бөтә төр кәмселектәрҙән Паҡ; Иң көслө, Камил хикмәт эйәһе Аллаһтан башҡа бер кемдең дә көс-ҡеүәте юҡ").
   (** — Мәғәнәһе: Йә Аллаһ, мине ғәфү ит, миңә рәхимле бул, мине Тура юлдан алып бар, мине ризыҡландыр!).
   Ошо һүҙҙәр Ҡәҙер төнөндә әйтелһә, ул сағында әйтеүсенең ҡулы 30 мең көн дауамындағы иң бөйөк яҡшылыҡ менән тулыр (Әбү Дәүд, Әхмәд, хәсән).
   
   7. "Аллааһүммәғ-фир лиль-мүьминиинә үәль-мүьминәәт", тип доға ҡыл.
   Әгәр ошо гүзәл доға Ҡәҙер төнөндә ҡылынһа, һиңә алты биллион яҡшы ғәмәл яҙылыр.
   Пәйғәмбәребеҙ ﷺ: "Кем иманлы ирҙәр һәм ҡатындар өсөн ғәфү итеү һораған, Аллаһ шуға һәр бер мөьмин ир һәм ҡатын өсөн берәр яҡшы ғәмәл яҙыр", — тигән (Әт-Табәрани, хәсән).
   
   8. Йөҙ тапҡыр "сүбхәәнаЛлааһ" (Аллаһҡа дан!), тип әйт. Әгәр был тәсбих менән Ҡәҙер төнөнә тура килһәң, һиңә йә 30 миллион яҡшы эш яҙылыр, йә 30 миллион яҙыҡ ғәмәлең юйылыр (Мөслим).
   
   9. Йөҙ тапҡыр "сүбхәәнаЛлааһиль-ғәҙыйми үә бихәмдиһ" (Бөйөк Аллаһҡа дан һәм Уға маҡтау), тип әйт.
   Был зикерҙәрең Ҡәҙер төнөндә әйтелһә, Йәннәттә һинең өсөн өс миллион пальма ағасы ултыртылыр. Сөнки Пәйғәмбәребеҙ ﷺ: "Кем сүбхәәнаЛлааһиль-ғәҙыйми үә бихәмдиһ, тип әйткән, шуға Йәннәттә пальма ағасы ултыртылыр", — тип әйткән (Тирмиҙи, сахих).
   
   10. Йөҙ тапҡыр "Аллааһүммә салли ғәләә Мүхәммәдин үә әәли Мүхәммәд", тип әйт.
   ( Мәғәнәһе: Йә Аллаһ, Мөхәммәтте һәм Мөхәммәттең ғаиләһен алғышла (благослави)!)
   Әгәр салауаттарың менән Ҡәҙер төнөнә тура килһәң, Батшаларҙың батшаһы булған Аллаһ Тәғәлә һиңә Үҙ рәхимлегенән өс миллион рәхимлек яҙыр.
   "Кем миңә бер салауат әйтә, шуға Аллаһ ун салауат әйтер", — тигән Пәйғәмбәребеҙ ﷺ (Мөслим).
   
   11. "СүбхәәнаЛлааһи ғәдәдә мәә халәҡ,
   СүбхәәнаЛлааһи мил-ә мәә халәҡ.
   СүбхәәнаЛлааһи ғәдәдә мәә филь-әрдый үәссәмәәь,
   СүбхәәнаЛлааһи мил-ә мәә филь-әрдый үәссәмәәь.
   СүбхәәнаЛлааһи ғәдәдә мәә әхсаа китәәбүһ,
   СүбхәәнаЛлааһи мил-ә мәә әхсаа китәәбүһ,
   СүбхәәнаЛлааһи ғәдәдә күлли шәй-ин,
   СүбхәәнаЛлааһи мил-ә күлли шәййъ.
   Әлхәмдү лиЛләәһи ғәдәдә мәә халәҡ,
   Әлхәмдү лиЛләәһи мил-ә мәә халәҡ.
   Әлхәмдү лиЛләәһи ғәдәдә мәә филь-әрдый үәссәмәәь,
   Әл-хәмдү ли-Лләәһи мил-ә мәә филь-әрдый үәссәмәәь.
   Әлхәмдү лиЛләәһи ғәдәдә мәә әхсаа китәәбүһ,
   Әлхәмдү лиЛләәһи мил-ә мәә әхсаа китәәбүһ,
   Әлхәмдү лиЛләәһи ғәдәдә күлли шәй-ин,
   Әлхәмдү лиЛләәһи мил-ә күлли шәййъ", — тип әйт.
   (Мәғәнәһе: "Аллаһҡа дан — Ул күпме нәмә барлыҡҡа килтергән, шунса ҡәҙәр;
   Аллаһҡа дан — Ул барлыҡҡа килтергән күпмене тултыра, шунса ҡәҙәр.
   Аллаһҡа дан — ерҙә һәм күктә күпме нәмә бар, шунса ҡәҙәр;
   Аллаһҡа дан — ерҙәге һәм күктәге нәмә күпмене тултыра, шунса ҡәҙәр.
   Аллаһҡа дан — Уның Китабы күпмене солғай, шунса ҡәҙәр;
   Аллаһҡа дан — Уның Китабы күпмене тултыра, шунса ҡәҙәр.
   Аллаһҡа дан — барса нәмә күпме, шунса ҡәҙәр;
   Аллаһҡа дан — барса нәмә күпмене тултыра, шунса ҡәҙәр.
   Аллаһҡа маҡтау — Ул күпме нәмә барлыҡҡа килтергән, шунса ҡәҙәр;
   Аллаһҡа маҡтау — Ул барлыҡҡа килтергән нәмә күпмене тултыра, шунса ҡәҙәр.
   Аллаһҡа маҡтау — ерҙә һәм күктә күпме нәмә бар, шунса ҡәҙәр;
   Аллаһҡа маҡтау — ерҙәге һәм күктәге нәмә күпмене тултыра, шунса ҡәҙәр.
   Аллаһҡа маҡтау — Уның Китабы күпмене солғай, шунса ҡәҙәр;
   Аллаһҡа маҡтау — Уның Китабы күпмене тултыра, шунса ҡәҙәр.
   Аллаһҡа маҡтау — барса нәмә күпме, шунса ҡәҙәр;
   Аллаһҡа маҡтау — барса нәмә күпмене тултыра, шунса ҡәҙәр").
   Был зикерең Ҡәҙер төнөндә әйтелһә, утыҙ мең тәүлек буйына көн менән төндә әйтелгән зикерҙәреңдән яҡшыраҡ булыр ("Сахихут-тәрғиб үәт-тәрһиб", сахих).
   
   12. Йөҙ тапҡыр "Ләә хәүлә үә ләә ҡүүәтә иллә биЛләәһ", тип ҡабатла.
   (Мәғәнәһе: Аллаһтан башҡа һис бер кемдең дә көс-ҡеүәте юҡ). Ошо һүҙҙәрең менән Ҡәҙер төнөнә тура килһәң, өс миллион Йәннәт хазинаһына эйә булырһың. Пәйғәмбәребеҙ ﷺ: "Һиңә Йәннәт хазиналарының хазинаһы булған һүҙгә күрһәтмәҫкәме? Ул — "Ләә хәүлә үә ләә ҡүүәтә иллә биЛләәһ", — тигән (Бохари, сахих).

Йә Аллаһ, беҙгә Һине ҙикер итеүҙә, Һиңә шөкөр итеүҙә һәм Һиңә буйһоноуҙа ярҙам ит!
 Йә Аллаһ, беҙҙе Ҡиәмәт көнөндә ҙур табыш менән килеүсе еңеүселәрҙән ит!

("Мөслимә яҙмалары"нан).