-2 °С
Болотло
Бөтә яңылыҡтар
10
Яңылыҡ
21 Март , 16:45
"Үҙебеҙ ҡулланасаҡбыҙ"
– “Ейәнсура таңдары”н әҙ генә ваҡыт алдырмағайным, шул тиклем күңелһеҙ, ҡыйын булды. Инде башҡа яратҡан гәзитемдән айырылмаясаҡмын! – ти “Республика Башкортостан” нәшриәт йорто 2025 йылдың тәүге ярты йыллығына район һәм республика баҫмаларына яҙылыусылар араһында бүләк уйнатыуҙа ноутбук еңгән Әлфирә Ниғмәтуллина.
"Үҙебеҙ ҡулланасаҡбыҙ"
Дуҫтар! “Ейәнсура таңдары” гәзитенә 1 апрелгә тиклем былтырғы хаҡ менән яҙылып ҡалырға мөмкин. Баҫмабыҙға тап ошо арала яҙылып, квитанцияһын редакцияға ебәргән (алып килгән) гәзит уҡыусыларҙы бүләк – башҡортса йыртма календарь көтә.
Байыш ауылында йәшәгән Әлфирә апай “Ейәнсура таңдары” һәм “Йәшлек” гәзиттәренә яҙылып, квитанция күсермәләрен Өфөгә ебәрә лә, онота...
Бер көн ауылдағы почта хеҙмәткәре: “Ҡотлайым!” тигәс, яңыраҡ ҡына 70 йәшен тултырған Әлфирә Муллагилде ҡыҙы: “Үткән юбилейым менән ҡотлайһыңмы?” – тип һорай. Баҡһаң, почтальон ноутбук отоуын һөйөнсөләй икән!
– Ҡыуандым, әлбиттә. Ундай ҙур приз отҡаным юҡ ине. Бүләк уйнатыуҙа ла бик ҡатнашмай торғайным. Даланым бар икән дә, – ти гәзит уҡыусыбыҙ шатланып.
Ноутбук Әлфирә апайҙың юбилейына ҙур бүләк булған. Ике көн элек уны алып килеп тапшырғандар ҙа инде. Балалары ҡулланырға өйрәтһә, тормош юлдашы Юлай ағай менән ноутбукты үҙҙәре тотонорға ниәтләйҙәр.
Уйлаған уйҙарығыҙ тормошҡа ашһын, Әлфирә апай! Бүләгегеҙҙең мәнфәғәтен күреп, “Ейәнсура таңдары” менән гәзит аша ғына түгел, интернет киңлектәрендә лә күрешергә яҙһын!
Айнә Иманғолова.
Читайте нас:
