Март айына хас булмаған һауа торошо һаҡлана

Башгидромет мәғлүмәттәре буйынса, республикала марттың икенсе декадаһы аномаль йылы булды – ғәҙәти күрһәткестәрҙән 7 градусҡа юғарыраҡ. Алдағы көндәрҙә төбәктә юғары температура режимы һаҡланасаҡ. Һауаның уртаса тәүлек температураһы норманан 4-5 градусҡа юғарыраҡ буласаҡ.  Һауа температураһының төндә –7...–2-нән –4...+1 градусҡа тиклем, көндөҙ +4...+9-ҙан +7,+12 градусҡа тиклем күтәрелеүе көтөлә. Уртаса тәүлек температураһы йәнә 0 градустан  юғарыраҡ кимәлгә сыға, был быйыл метеорологик яҙҙың башланыуын билдәләй. Республикала яҡын көндәрҙә яуым-төшөм көтөлмәй.